Pu'uen euw, eek mrai tabi papu wan tam mueng mak nnal aret nok lem songneu eek nai.
Loaek nah tam mak pi mai malan adieu erat aweng tam yai hnueng mai kap alin nan tam mluen, kap siin, kap awan, nonoh tah kap eleh nan tam nnyok luei luen tam. Lem yah dodei ai, loaek nah tam mak parap luei luen deh hlong, luen panan deh, nonoh tah luen tam lem aweng hmah yai.
Erat lem nonoh dei, lem hnau eek yai, am nan alin nkan nok parap wet tam mai lem aweeng mak adieu yai dei, nnyok luei luen tam, nonoh tah kap sii alin nok parap arok leuen tam sieng pahat belta ngan leuen aweng nnkan, erat nah alin sik pu'uen yah nah mai skola. Kai nah pelitah tam am arok skola sieng lem aweeng tam alam hran, ayeu nah tapat prap arok sik aret lem komputer nai. Lem yah nonoh ai, lak eek mrai rah hnau eek nah leuen tam, dong si'pah tah deh, wei arai mrai rah sawai arai ngan anak-anak tam mai lem skola. Lang wei ai nah nan deh skola nnoi duet mak Long Bangan ngai dei, nan pelitah mman deh nonoh tah mbrai nan deh dong lem mis. Sik breu, kai deh pi labi erat lem kelas nam, mesti arai mrai deh mai lem skola pom pat deh sieng pah pat belta nan deh mai.
Lem masa noknai, sii nai nah alin tam lak nnyok luen tam panan lem rang leuen loak lem Sarawak nai, nonoh tam lem Malaysia. Tam nai leuen erat lem aweeng adieu erat pasan, loak tosah tam leek pelitah. Kai nan anak tam mak wei eleh deh lem kelas nam, pom lau, nonoh tah pom emah, nan tah hnau pelitah ndeh tau, prap mbrai alin nndeh mai skola mak wei ai, nonoh tah skola belta.
Nan sii eek mai loe hmah ngai alam, lem laak 1997, ewet Taman Phalipa anak mak loe suti skola ai mai man mak yah ngai (lem 20 bruel dalau), arok melau sii hmeu ladeu nasihat dalau lem skola, papah lak mai skola belta erat pom emah. Eek mbrai sii hnau nah dalau "ken parap tam nnal sii bruel erat Long Banga jadi duktun lem plu laak?" Nnoi, pii plu laak nnai, am tah arai lei nan mak pii sieng jadi duktun yai, am nonoh hon tah, am eek mpat sawai eek sieng si nai dueng. Nan tah alin sii leuen tam sieng si nah ccak hran, am arai leek kalau mak erat pah dei yah tau. Lem yah nonoh dei hon tah, am tam mpat sawai tam, arok euw nah tam maton anak tam mai lem skola pat tam mbroel mmbuek deh, mangang deh arok wei, nonoh tah nnau lak nnyoek mai luei luen tam panan.
Lem amei adiek alam, sii komiti skola lem aweeng (Kai nah dei dong mak adeu Pei Muang tah tam), panet dueng laak tam arok man rah anak skola dong tawa' yai, dei tah komiti skola tam erat hmeu Sa'ban, nonoh tah hmeu Lepo' Ke arok sii latat nah anak mak lak mai ntol skola deh doeng Bareo yai. Nah sii hmeu latat nok wei ai, an eek nnau wei tah tam arok nok ko duet nah breu. Am arai nnau anak ai mak lak mai nntol skola deh ai, anak erat aweeng tam mueng tah deh.
As most of the third generation from Long Banga and onwards are educated in the government schools be it at Lio' Mato, Long Lamai, Bareo or the village itself, it is pretty nostalgic to recoqnize the work of BEM in bringing adult education to the second generation. Aimed to enable the old folks to be able to read and therefore to read the Scripture by themselves, the literacy brought by the programme had helped parents to understand the need of education in changing the livelihood of the community.
Till now, the rural folks originated from SRK Long Banga' had produced no less than 20 graduates from different disciplines excepting engineering, law and medicine. So the challenge is to get the jungle kids to grip an interest in those fields.
Till we meet again.
Tenmu Asan, Kuching.
Subscribe to:
Post Comments (Atom)
No comments:
Post a Comment